الذكاء والفضولية

من طرف **MaHFouD** الأحد يونيو 19, 2011 6:34 pm

في واحد الزمان قالك بنت الملك زعفت على باباها وحلفت ماتزيدش تدهر.ايا قالك دربت 5اشهر ماتهدر مع حتى واحد .
الملك تقلق خاف على بنتو.ايا دار انونس ف الجرائد والتلفزيون حتى فالراديوا.قاللهم لي ينطقها نزوجوا بها ونعطيه نص الملك تاعي.
ايا قاع الناس سمعوا مابقا حتى واحد.كل واحد حاب يتزوج ويدي نص الملك
حتى الشيخ المجرب والشيخ تاع الجامع جاو. لكن واحد ماقدر ينطقها.
بقا غير واحد الشاب ديما مزطول.محشش. يقولوا بلي برايجي من برج
بوعريريج..ايا هاد الشاب سمع قاللهم انا نطقها.قاع الناس بدات تضحك
عليه.كيفاه نت المزطول ماعلابالك بوالواتنطقها.
قاللهم درك تشوفو. راح دقدق على الباب.خرج ليه الحاجب
-واش تسحق.
-جيت على ديك لافير تاع الطفلة باش ننطقها.
-ايا بركانا نت طول حياتك زاطل تنطقها .واقيلا حاسب الدنيا حشيش.طبيب والشيخ المجرب ماقدروش نتا تحوس تدير فيها افير.
-ياخي عبد ياخي.ايا شوفلنا الطريق خلينا يرحم والديك.
-ايا تفضل.
دخل المزطول عند الطفلة او قال للملك جي مورا ليزار او خلينا نديروا شغلنا.
ايا سي البرايجي بدا يحكي.
-واحد النهار 3صحاب تساعفوا يحوسوا على خدمة .واحد فيهم خياط الزاوج
رسام والثالث يزخرف الحطب .ايا بداو يمشيو حتى طاح الليل عليهم في
غابة.ايا رقدوا تما .الصباح ناض لي يخدم لحطب لقا قدامو جدرة تاع شجرة
.بدا يخدم فيها حتى خرجها مرا ما شاء الله.ولا رقد.امبعد ناض لي يرسم ايا
دارلها ملامح تاعها .لي يشوفها يقول ملاك.ولا رقد.وناض الثالث لقاها مرا
بلا قش خيطلها لباس ولبسولها .ولا رقد.
-كي ناظو صباح شافوها كل واحد يحوس يديها . حتى جاز عليهم واحد الشيخ لقاهم في ديك الحالة دبر عليهم.قاللهم لي ينطقها يديها.
اي هنا السيد المزطول ناض جا خارج بلا مايكمل لحكاية
كي وصل عند الباب نطقة بنت الملك قالتلوا شكون نطقها.
-هنا ريبوندالها انا نطقتها وانا نديها