لهذا السبب يكره الجزائريين اللاعب المحلي

من طرف **MaHFouD** الخميس مارس 11, 2010 11:23 am

السلام عليكم
الناس اللي راها قاعده تتمسخر باللاعبين المحليين
راها باينه علاه....
هذه أحد مخلفات البطوله و التنافس عليها
و بشكل مبسط
السبب هو التعصب للفريق المحلي (تاع الحومة او تاع الولايه) أي
كاين ناس راه غايضها علاه مايلعبش فلان و فلتان من فريق حومتهم و يلعب ذاك من فريق الولايه الأخرى
و لو كان لاعب محلي و يلعب في الفريق تاع ولايتك او حومتك و أبعده سعدان فالأكيد
راح تتعالى اصوات التأييد لإبعاد اللاعب بل تصل لحد الإستهزاء بشكل اللاعب و كلامه و ملبسه
و أنت لن تقبل و ممكن تسب سعدان على ابعاده لللاعب
و كمثال شفنا زاوي يدافعو عليه الشلفاوة و باقي الجزائر تتمسخر بيه
و لموشيه سطيف معاه و الباقي فرح مين حاوزوه
خلاصه القول:
أحنا شعب و الله ما تاع كورة
غلب علينا التعصب و صار مثلنا الأعلى نلعبو gـــاع و اللا نحرمّو
لا حول و لا قوة الاّ بالله
الله ـيهدينا
[ندعوك للتسجيل في المنتدى أو التعريف بنفسك لمعاينة هذه الصورة]